Aisa nahi k humko mohabat nahi mili,
Haan jesay chahtey thay wo qurbat nahi mili,

Milnay ko zindagi mai kayi humsafar milay,
Lekin tabiyatton say tabiyatt nahi mili,

Chehron kay har hajoom mein hum dhondtay rahey,
Surat nahi mili tu kahin seerat nahi mili,

Wo yak-ba-yak mila to bohat dair tak hamien,
Alfaaz dhoöndnay ki bhi mohlat nahi mili,

Har shakhs zindgi mai bohat dair se mila,
koi bhi cheez hasb-e-zaroorat nahi mili.

Woh humsafar tha magar us say humnawaayi na thi,
Ke dhoop chaaon ka alam raha judaayi na thi,

Na apna ranj na auron ka dukh na tera malaal,
Shab e firaaq kabhi hum ne yun ganwayi na thi,

Mohabbaton ka safar is tarha bhi guzra tha,
Shikasta dil thay musaafir shikasta-paayi na thi,

Adawatein theen, taghaful tha, ranjishein theen magar,
Bicharrne wale main sab kuch tha bewafaayi na thi,

Bicharrte waqt un aankhon main thi hamari ghazal,
Ghazal bhi woh jo kisi ko abhi sunayi na thi,

Kisse pukaar raha tha wo doobta hua din ?,
Sadaa tou aayi magar koi duhaayi na thi,

Kabhi yeh haal ke donon main yak-dili thi bohat,
Kabhi yeh marhala jaisay keh aashnayi na thi,

Ajeeb hoti hay raah`e sukhan bhi dekh “naseer”,
Wahan bhi aa gaye akhir jahan rasaayi na thi..

Watch Video

Aye Raat Sony Dy Youn Tang Na Kia Kr,,
Bekaar Sawalon Main Paband Na Kia Kr_,,

Iss Ke Siwa Aur Bhi Zamany Ke Kaam Hain,,
Tu Mere Khayalat Be_Dhang Na Kia Kr_,,

Dunia Main Aur Log Bhi Basty Hain Tanha,,
Tu Sirf Mere Sath Hi Jang Na Kia Kr_,,

Aey Raat Sony Dy Youn Tang Na kia kr_,,
Mazboot hon, pr itni bhee nahi hon,,

Dunia ke sabhi gham to mere sang na kia kr_,,
Aey Raat Sony Dy,, Youn Tang Na Kiya Kar..

Tuje udas bi karna tha khud bi rona tha..
ye haadsa bi meri jaan kabhi to hona tha..

Woh muje torr ke phir jorta raha aksar..
main uske waaste jaise koi khilona tha..

Humen kahin na kahin to bichar hi jana tha
yei haadsa meri zindagi mei aana tha

Woh shaks mujhe saari umar tarse ga..
Naseeb uska “ke usne muje ganwana tha”

Ye Dil Bhulaata Nahe Hai Mohabbatain Uski
Padi Howi Theen Mujhe Kitni Aadatain Uski

Ye Mera Saara Safar Oski Khushbuu Mein Kata
Mujhe Tou Raah Dikhaati Theen Chaahatain Uski

Ghiri Howi Hun Mein Chehron Ki Bheer Mein Laikin
Kaheen Nazar Nahee Aati Shabaahatain Uski

Mein Dard Se Ronay Lagi Hun Tou Aisa Lagta Hai
Ke Chhaon Jaisi Theen Mujh Par Rafaqatain Uski

Ye Kis Gali Mein Ye Kis Sheher Mein Nikal Aaye
Kahan Pe Reh Gayein Loogon Sadaaqatain Uski?

Mein Baarishon Mein Juda Ho Gayi Hun Os Se Magar
Ye Mera Dil, Meri Saansain Amaanatain Uski

Jala k tu bhi Agar aasra Na de Mujko,
Yeh khauf hai k HaWa phir bujha Na de Mujko

Main is khayal Se mur mur k Dekhta hon usy,
Bichar k woh bhi Kahein phir sada Na de Mujko.

Bas is khayal se Shab bhar main So nahi sakti,
K Khauf-e-Khwab-e-Guzishta Jaga na de Mujhko.

Terey Baghair Teri tarhan Main zinda rahon,
Yeh haosLa bhi Dua kar!khuda Na de Mujhko.

Main is liye bhi Usey khud Manaon ga ,
Ke Mujhse Rothny Wala, Bhula na de MuJh ko

Nayi tarha say nibhane ki dil ne thaani hy
Wagarna us se mohabbat bohat puraani hy

“KHUDA” wo din na dikhaaye keh main kisi se sunoon
Ke tu ne bhi gham-e-duniya se haar maani hy

Zameen pe reh k sitaare shikaar kerte hyn
Mizaaj ehl-e-mohabbat ka aasmaani hy

Humain aziz ho kyon.ker na sham-e-gham k yehi
Bicharne waale , teri aakhri nishaani hy

Utarr pare ho to darya se poochna kaisa
Ke saahiloon se udhar kitna taiz paani hy

Bohot dinon main teri yaad orh ker utri
Ye sham kitni sunehri hy kia suhaani hy

Main kitni dair tak usay sochta rahoon
Ke jaise us ka badan bhi koi kahani hy…

Meri kismat ka chamkta hua sitara hoga
Is per likha naam sirf tumhara hoga

Meine soocha tha mujhe tera sahara hoga
Lekin maloom na tha ke door kinara hoga

Mujh ko ye ghum nahin doobi meri kashti lekin
Paar toofan ne to kisi ko utara hoga

Jab teri shehr-e-khamooshi per padi hongi nazarein
Naam le le kar to ne pukara hoga

Mein chala jaonga duniya se ye hasrat le kar
Band ankhon mein faqat tera nazara hoga

Kis ko maloom tha tameer se pehle
Bijli jis ghar per gire gi woh hamara hoga

Kabhi Meharban Tha Tu Kabhi Anjan Tha.
Mera Wehem Tha Ya Woh Mera Guman Tha.
Dey Kar Zakham Woh Marham Rakhta Tha.!
Ban Raha Tha Ya Waqai Woh Itna Nadan Tha.
Mujh Sy Bichar Gaya Tha Woh Ek Raat.!
Woh Shakhs Ju Kal Tak Meri Pehchan Tha,
Kash K Woh ban Jata Hamara Hamdam.!
Kitna Dil Ko Es Baat Ka Arman Tha.
Khuda Ko Chahtey Itna Tu Kuch Mil Bhi Jata
HamNy Chaha Jis Ko Afsos wo ik insan tha.. <\3

Khaali jaam liye baithe ho,un aankhon ki baat karo,
Raat bahut hai, pyaas bahut hai, Baarsaton ki baat karo,

Jo peekar mast huey hain un ke ziker se kya hasil
Jin tak jaam nahin pahuncha hai un pyaason ki baat karo

Chup rehney se kut na sakegi saadiyon lambi raat yahan,
Jin yaadon se dil roshan hai, un yaadon ki baat karo

Phir palkon par jugnu chamke,aankhon mein ghata si lehrai
Thandi hawa ka ziker karo, Kuch bheegi ruton ki baat karo

Raat bahut hai, pyaas bahut hai, Baarsaton ki baat karo,
Khaali jaam liye baithe ho, un aankhonki baat karo..